Per collaborar es gaire complicat !

OpenStreetMap es fach per l’obratge collaboratiu, aquò vòu dire que cadun i pòt participar.

Cartografiar per enriquir la mapa en linha pus precisa dau monde es a la man de cadun que gaubeja un pauc  l’ordinator ò l’ordifòn. Nòstra amira aicí es de restituir dins la lenga locala, l’occitan, lei vias, lei rius, lei noms de luòc, de servicis, de bastiments…

Per se jónher a nòstra comunautat se faudrà crear un còmpte - que vos serà proposat automaticament quora vos connectaretz per premier còp a l’editor de la mapa - pron d’anar a openstreetmap.org, 
clicatz puei sus « Modificar/Modifier » per començar d’enriquir la mapa !
 
Aquò dich, l’édicion d’OpenStreetMap-Oc se limita pas au site oficiau, i a ben d’autreis aisinas e aplicacions de contribucion.
Guida practic

La sasida dei noms en occitan se fa ambe leis instruments classics de contribucion a OSM (iD, JOSM…) dins lo respècte dei règlas de sasida coma explicadas dins lo wiki. Trobaretz sus aquest site un molon de tutotiaus e d’astúcias practicas...

Aqueste site tanben, es un mejan informatic au servici de la comunautat, un site a besonh de participacion per viure e avançar. Fa mestier d’administrators e de tota mena de competéncias... Prepausatz-vos...