Marcas dau paisatge, lei elements dau relèu se devon de figurar lèu sus la mapa.

Per completar lei noms dau relèu procedir ansin:


Faudrà simplament

  • indicar lo nom de la zòna : per exemple : « Var » e seleccionar lo « despartement » dins la lista (boundary)
  • pegar la requèsta que vos doni aicí dins« Descargar de l’API OverPass »:

[out:xml][timeout:25][bbox:{{bbox}}];
(
node[« natural »][« name:oc »!~ ».* »];
way[« natural »][« name:oc »!~ ».* »];
relation[« natural »][« name:oc »!~ ».* »];
);
(._;>;);
out meta;

En imatges :

Resultat :

La quantitat pòrta esfralh !

mai, degun vos demanda de tot faire, faguètz çò que podètz e serà bòn pron.
[NB. Se volètz completar ren qu’una comuna, faudrà simplament indicar lo nom de la comuna e la seleccionar dins la recèrca per zòna.]

E per lei noms, aquí parier, completatz çò qu’es simple e evident e laissatz lo dificile ais expèrts que se regalaràn…

Oblidètz pas que çò qu’es fach es pus de faire qué !

AVÍS que, se leis objèctes pareisson, totei mòntran pas una etiqueta. Çò que lèva pas qu’aguèsson un nom e mai un nom occitan ! Vos fau clicar dessús per veire e jogar ambe lei jaças de fons (Menut IMATJARIÁ) per lei destoscar.


Variantas :

per seleccionar ren que…

lei bòscs demandatz : natural=wood

lei lacs, estanhs… : natural=water

lei baias : natural=bay

lei caps : natural=cape

lei platjas : natural=beach

lei sorgents : natural=spring

leis escuelhs, sècas, secans e estèus… : natural=reef

lei cimas : natural=peak

lei crestencs : natural=hill, natural=ridge, natural=arete

lei valadas : natural=valley

lei bauç : natural=cliff

lei pas : natural=saddle

lei ròcas : natural=rock, natural=stone

lei baumas : natural=cave_entrance