⚠️ Avans de començar
Avans de completar la mapa, vos fau verificar lei règlas d’escritura.
Senon… la comunautat vos agantarà lèu 😄
🧭 Dos biais per començar
📍 Partir d’un luòc
Coneissètz lo quartier, la carriera, lo vilatge ?
Zoomatz sus la mapa e trobatz l’objècte directament.
Es lo biais pus intuitiu.
Ideal quand coneissètz ben lo terren.
🔎 Partir d’un nom
Coneissètz lo nom oficial ?
Cercatz-lo amb Nominatim. (cf. çai-sota)
Pratic per destriar leis limits comunals e autrei objèctes fòrça amples.
🚀 Lei 6 etapas essencialas
Anar sus OpenStreetMap
Rendètz-vos sus
www.openstreetmap.org
e clicatz sus Modificar.
Creatz un compte ò connectatz-vos.
Per facilitar lo repèri dei contributors occitanofòns,
es aconselhat d’emplegar un nom que comence per oc-.
Zoomatz pron e clicatz sus la carriera,
lo quartier, la gara, lo limit comunau…
⚠️ Sens aquò, la modificacion pòt èstre refusada.
Validatz la modificacion.
Vau mielhs gropar mai d’una correccion dins un meteis enregistrament.
Après actualizacion, çò que pren mai o mens de temps…
la mapa occitanofòna ganha una mencion de mai !
la mapa, es nautrei que la fasèm.Cada mencion ajustada,
cada carriera corregida,
cada vilatge verificat…
aquò fa avançar la lenga dins lo monde numeric.
🔎 Cercar amb Nominatim
Se coneissètz lo nom oficial,
podètz passar per
Nominatim.
Es fòrça util per destriar leis objèctes :
quartier, limit comunau, pargue industriau…
🤝 Besonh d’ajuda ?
Rejonhètz la comunautat sus
Geoccitania
ò
contactatz-nos.
Un pauc d’ajuda fa grand ben.
E mai siam nombroses,
mai la mapa parla occitan 😄