uMap

Objectiu: crear una mapa de classa, d’associacion ò de projècte amb uMap, sus lo fons cartografic occitan. Lo fons dona lo territòri; vosautres ajustatz l’istòria que volètz contar.

Avans de començar

• Durbètz uMap.
• Per conservar e retrobar aisadament vòstra mapa, connectatz-vos amb un còmpte.
• Preparatz un títol, l’espaci de mostrar e lei categorias d’informacions.

1 — Crear la mapa

1. Chausissètz Crear una mapa.
2. Donatz-li un títol clar e una descripcion corta.
3. Centratz la mapa sus vòstre territòri e reglatz lo nivèu de zoom iniciau.
4. Enregistratz: uMap a una memòria, mai aquò l’ajuda.

2 — Chausir lo fons occitan

1. En mòde edicion, durbètz Cambiar lo fons de mapa.
2. En bas de la lista, trobatz OSM-oc
3. Validatz e enregistratz la mapa.

3 — Organizar lei jaças

Una jaça recampa una categoria d’objèctes. Per una mapa de classa, se pòt per exemple crear:

• una jaça « Luòcs estudiats »;
• una jaça « Patrimòni »;
• una jaça « Parcors e sortidas ».

1. Durbètz Administrar lei jaças e creatz una jaça.
2. Donatz-li un nom, una color e una descripcion.
3. Gardatz de categorias simplas: dètz jaças per tres ponchs fan subretot trabalhar lo menú.

4 — Metre de ponchs, linhas e zònas

1. Chausissètz l’aisina de dessenh: ponch, linha ò poligòn.
2. Dessenhatz l’objècte sus la mapa.
3. Indicatz lo nom, la descripcion e, se n’es de besonh, lo liame ò l’imatge.
4. Verificatz que l’objècte es dins la bòna jaça.
5. Enregistratz puei la mapa.

5 — Partejar sensa perdre lo contraròtle

1. Dins lei paramètres de publicacion, chausissètz cu pòt veire la mapa.
2. Chausissètz separadament cu la pòt modificar.
3. Per una classa, partejatz lo liame de consulta; donatz lei drechs d’edicion ren qu’ai personas que ne’n fa mestier.
4. Assajatz lo liame dins una fenèstra que i siatz pas connectat.

Se la mapa contèn de donadas sus d’escolans ò de personas, publicatz pas d’informacions personalas. Una mapa pedagogica deu ensenhar, pas escampar la vida privada.

A vosautres: una mapa de classa

Creatz una mapa centrada sus vòstra comuna. Emplegatz lo fons occitan, creatz una jaça « Luòcs de memòria » e plaçatz tres ponchs amb un nom e una descripcion. Durbètz puei lo liame de consulta coma o fariá un escolan.

Question de verificacion

Lei ponchs creats dins uMap modifican OpenStreetMap?

Veire la respònsa explicada

Non. Son de donadas pròprias a vòstra mapa uMap, afichadas per dessús lo fons occitan. Per corregir OpenStreetMap, fau emplegar l’aplicacion web GeoOccitania, iD, Go Map!!, Vespucci ò JOSM.

Demostracions cortas

Tres vidèos cortas mostraràn: crear e centrar una mapa; installar lo fons occitan e organizar lei jaças; dessenhar, enregistrar e partejar.