Contribuir

Una error sus la mapa? Pas besonh de sortir l’artilhariá. Chausissètz lo biais de contribuir segon vòstre besonh e vòstre aparelh: una aisina simpla per una modificacion isolada, un editor complet per un trabalh regular.

1 — Participar amb l’aplicacion web GeoOccitania

Es lo percors guidat per participar ai campanhas tematicas, verificar un toponim e completar una informacion precisa, pas a pas.

Durbir l’aplicacion web GeoOccitania

2 — Corregir ponctualament

Per una correccion simpla, emplegatz l’editor que convèn a vòstre aparelh:

• iD dins lo navigador;
• Go Map!! sus iPhone e iPad;
• Vespucci sus Android.

1. Identificatz l’objècte.
2. Verificatz lo nom e la fònt.
3. Corrigètz l’informacion.
4. Verificatz, publiquatz puei la modificacion.

Corriegi, verifiqui, publiqui puei la modificacion.

3 — Cartografiar regularament

JOSM es l’aisina avançada per lei contribucions nombrosas, lei campanhas tematicas e leis obratges documentats. Aicí, se pòt sortir la gròssa boita d’aisinas.

Avans de publicar

• Verificatz que la forma occitana es autentica.
• Asseguratz-vos de compausar la mencion correctament. Un dobte? Consultatz lei Règlas d’escritura.
• Notatz una fònt precisa quand es disponibla.
• Copiatz pas un nom d’una autra mapa sensa ne’n verificar lei drechs e la qualitat.
• Asseguratz-vos d’aver modificat lo bòn objècte: una cima e un vilatge pòdon portar lo meteis nom, mai son pas lo meteis luòc.
• Escrivètz un comentari cort que descriu lo cambiament se n’es de besonh e, particularament, donatz lei justificacions istoricas ò lingüisticas particularas.

Question de verificacion

Avètz trobat un nom diferent sus doas fònts: lo podètz publicar sensa autra verificacion?

Veire la respònsa explicada

Non. Fau comparar lei fònts, verificar lo luòc e retenir una forma documentada. Se demòra un dobte, demandatz l’avís de la comunautat avans de modificar. Una question de mai vau melhor qu’un toponim de travèrs.