Aprendre

Aprendre e transmetre lei metòdes de cartografia: comprendre çò que fasèm, practicar una accion, verificar, tornar faire solet puei.

1 — Emplegar la mapa

Lo premier percors ensenha a se servir de la cartografia occitana sensa modificar lei donadas.

• Lo Portau GeoOccitania: se desplaçar, zoomar, chausir una jaça, legir una ficha e passar en plen ecran.
• uMap: integrar lo fons occitan dins una mapa de classa, d’associacion ò de projècte.
• OsmAnd: cargar la mapa sus lo telefonet, cercar un luòc e emplegar lo GPS fòra linha.

Aprendre a emplegar uMap · Aprendre a emplegar OsmAnd

2 — Participar amb l’aplicacion web GeoOccitania

L’aplicacion web prepausa de missions tematicas guidada: verificar un toponim, completar una informacion ò recampar una prononciacion. Es lo biais pus simple per participar sensa conóisser encara tot l’editor OSM. Durbir l’aplicacion web GeoOccitania ↗

3 — Corregir ponctualament

Per corregir ò verificar un objècte directament dins OpenStreetMap, fau saupre emplegar l’editor adaptat a son aparelh.

• iD dins lo navigador sus ordinator.
• Go Map!! sus iPhone e iPad.
• Vespucci sus Android.

Lo percors comun es cort: identificar l’objècte, verificar la fònt, corregir, verificar, publicar puei la modificacion. Chausir mon editor e començar

4 — Cartografiar regularament

JOSM e leis aisinas de contraròtle son destinats au trabalh regular: campanhas tematicas, verificacions nombrosas, requèstas Overpass e mantenença dei donadas.

5 — Percors tematics

• Comprendre OpenStreetMap: destriar la basa de donadas, lei renduts e leis aplicacions;
• Emplegar GeoOccitania en classa: preparar una activitat cartografica amb leis escolans;
• Cartografiar lei luòcs de practica: rendre visibles leis escòlas, associacions, librariás e servicis ont la lenga se practica.

Un metòde comun

1. Una question iniciala per partir de çò que l’aprenent saup ja.
2. Un objectiu concrèt e observable.
3. Una demonstracion vidèo corta.
4. Una accion de tornar faire sus un exemple.
5. Una question de verificacion.
6. Una respònsa explicada.
7. Un cas practic de realizar solet.

De vidèos cortas en occitan

Bèn vau mai una demonstracion corta qu’un lòng tutoriau. Cada vidèo presentarà una accion unica amb de sostítols, un resumit escrich e una question de verificacion. Una vidèo de presa en man de l’aplicacion web GeoOccitania serà realizada quand son interfàcia serà estabilizada. Mostrarà coma durbir l’aplicacion, cercar un luòc, zoomar, chausir una jaça tematica, legir una ficha, senhalar una informacion de corregir e gardar l’aplicacion a posita sus lo telefonet.