Una ressorsa es utila se la trobam au bòn moment. Aquesta pagina recampa lei donadas, lei règlas, leis aisinas e lei documents que sièrvon vertadierament. Pas un musèu de liames: una boita d’aisinas.
BDTopoc e lei donadas dubèrtas
BDTopoc recampa lei formas toponimicas occitanas documentadas per lei seccions e lei correspondents de l’IEO. Lo depaus oficiau sus data.gouv.fr dona accès ai donadas e n’assegura la visibilitat publica.
Lo depaus actuau se deu actualizar regularament. La collècta viva es tanben l’ensems deis entitats OpenStreetMap marcadas amb la fònt source:name:oc=ieo-bdtopoc.
Lo wiki OpenStreetMap en occitan
Lo wiki consèrva lo detalh tecnic que cambia amb OpenStreetMap. Lo Portau explica lei percors; lo wiki descriu lei claus, lei valors e lei convencions. Cadun son mestièr, e la mapa serà ben gardada.
- Projècte OpenStreetMap-oc: objectius, aisinas e organizacion;
- La clau name:oc: definicion e exemples;
- Règlas d’escritura e adaptacion dei noms pròpris: compausar una mencion correctament.
Documents toponimics
Lei brocaduras e lei fichas ajudan a cercar, verificar e citar lei formas. Lo Portau ne’n prepausarà una seleccion descricha, classada per usatge e tenguda a jorn.
- La ficha toponimica: preparar e documentar una collècta;
- Règlas d’escritura dei noms pròpris: resumit practic e exercicis de verificacion;
- Lo wiki Elements cartografics jòga desenant lo ròtle de lexic cartografic: ajuda a identificar cada tipe d’objècte OSM, a trobar son etiqueta e la terminologia occitana que sièrve per ne’n redigir la mencion.
Aisinas per emplegar la mapa
- uMap per crear e partejar una mapa de classa ò de projècte;
- OsmAnd per utilizar la Mapa occitana sus lo telefonet e fòra linha;
- iD, Go Map!!, Vespucci e JOSM per corregir e cartografiar.
Bibliografia e archius
Articles, revistas, emissions, conferéncias, afichas e presentacions racontan l’istòria dau projècte. Seràn triats, datats e descrichs: un archiu sensa data es un pauc coma una mapa sensa escala.
Aquela bibliografia servirà ai militants, ais escolas, ai cercaires e a totei aquelei que vòlon comprendre d’onte vèn GeoOccitania e coma ne’n perseguir l’òbra.
Durbir lei ressorsas
- Bibliografia e archius: cercar d’atestacions e retrobar l’istòria dau projècte;
- Documents e telecargaments: destriar lei fichiers actuaus, leis archius e lei modèls;
- Fònts e traçabilitat: documentar l’origina d’un nom e sei justificacions;
- Licéncia e reutilizacion: emplegar, citar e partejar lei donadas coma fau.