Go Map!!

Objectiu: verificar e corregir un nom occitan sus iPhone ò iPad amb Go Map!!. L’aplicacion permet de trabalhar sus lo terren: lo luòc davant leis uèlhs, la mapa dins la man — e lo telefonet de tenir bèn coma fau.

Avans de començar

• Installatz Go Map!! sus iPhone ò iPad.
• Vos fau un còmpte OpenStreetMap.
• Preparatz la forma occitana verificada e la fònt. Consultatz lei Règlas d’escritura se n’avètz un dobte.

1 — Localizar e cargar lei donadas

1. Durbètz Go Map!! e connectatz-vos a OpenStreetMap.
2. Se l’aplicacion demanda vòstra posicion, l’autorizacion es utila per vos centrar sus lo terren.
3. Tocatz la cibla per centrar la mapa sus vòstra posicion, ò cercatz lo luòc.
4. Zoomatz e fasètz esquilhar un pauc la mapa per cargar lei donadas de la zòna.

2 — Seleccionar lo bòn objècte

1. Tocatz l’objècte existent sus la mapa, lo boton TAG puei. Avís de ren faire resquilhar!
2. Verificatz son tipe, sa posicion e son nom.
3. Se mai d’un objècte se tròba au meteis endrech, chausissètz aqueu que correspond au luòc: crear un doblon es aisat, lo desfaire l’es mens.

3 — Corregir lo nom occitan

1. Debanatz la lista deis etiquetas de l’objècte.
2. Corrigètz name:oc, sensa remplaçar lo nom principau name.
3. Notatz source:name:oc=ieo-bdtopoc; autrament, laissatz la fònt indicada.
4. Verificatz la forma de la mencion: avís deis accents, apostròfs, majusculas e complements.

4 — Verificar e mandar

1. Tocatz lo boton de mandadís, representat per lo simbòle dau nívol amb una sageta.
2. Legètz leis avertiments e contrarotlatz vòstra modificacion.
3. Escrivètz un comentari cort, per exemple « < occitan : … ».
4. Indicatz lei justificacions istoricas ò lingüisticas particularas se n’es de besonh.
5. Mandatz puei la modificacion dins OpenStreetMap.

Corriegi, verifiqui, publiqui puei la modificacion.

A vosautres

Sus un luòc que coneissètz, seleccionatz un objècte existent e verificatz lo nom occitan. Se la ficha es ja corrècta, tocatz ren: saupre s’arrestar es tanben una competéncia cartografica.

Question de verificacion

Fau crear un objècte novèu quand lo luòc existís ja?

Veire la respònsa explicada

Non. Fau seleccionar e corregir l’objècte existent. Un doblon pòt afichar dos noms, faussar lei recèrcas e complicar lo trabalh dei contributors.

Demostracion corta

Una vidèo corta mostrarà lo percors complet sus iPhone: centrar la mapa, seleccionar l’objècte, corregir lo nom e mandar la modificacion.